Доллардын курсу жогорулап жатат. Улуттук банк 11 миллиондон ашык долларды сатыкка чыгарды

Улуттук банктын маалыматына караганда, 23-сентябрда жалпы 11 миллион доллардан ашык каражат валюта рыногуна чыгарылды.

Бул аракет улуттук валюта – сомду колдоо максатында ишке ашты. Улуттук банк ушуну менен сентябрда долларды сатуу боюнча экинчи ирет интервенция жүргүздү.

2020-жылдын башынан бери валюта рыногунда сатылган доллар 238,6 миллионду түздү.

Акыркы кезде Кыргызстанда доллардын сомго карата курсу жогорулап жатат. 23-сентябрда 1 доллардын наркы 80 сомго чейин көтөрүлдү.