Кызыл-Кыяда 34 жаштагы жаран шахтада газга ууланып каза болду

Баткен облусунунун Кызыл-Кыя шаарында 34 жаштагы жаран шахтада газга ууланып каза болду. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка ылайык, бүгүн, 19-май күнү Кызыл-Кыя шаарынын Кара-Козу айылындагы Краснопартизанская көчөсүндө жайгашкан көмүр казуу шахта чуңкурунда (забой) газ чыгып, анда жумушчулар калып калгандыгы тууралуу маалымат түшкөн.

Жерине Тоо кырсыгынан куткаруу кызматынын Кызыл-Кыя шаарындагы 4-ӨМТККВнан улук лейтенант Кочкоровдун жетекчилигинде 5 куткаруучу тартылды.

Шахтанын 90 метр тереңдигинде 34 жаштагы Ноокат районунун Т.Ө.М. аттуу тургунунун жансыз денеси табылып, жакындарына өткөрүлүп берилди.