Таштанды ташыган унаа 3-класстын окуучусун сүзүп кетти. Окуучу көз жумду

Кечээ, 23-сентябрда Бишкектин четиндеги Ленин айылында таштанды ташыган унаа 3-класстын окуучусун сүзүп кеткен. 9 жаштагы бала каза болду. Бул тууралуу Чүй облустук жол кыймылын көзөмөлдөө башкаралыгынан билдиришти.

Кырсык болжол менен саат 13:00 чамасында Бишкек-Кордай жолунда катталган. Ленин айылына караштуу Ленин атындагы орто мектебинин 3-классынын окуучусу чыгыштан батышты коздой жолго чуркап чыга калган учурда түштүктөн түндүктү көздөй бара жаткан МАЗ үлгүсүндөгү унаасы сүзүп кеткен. Аны 1950-жылы туулган жаран башкарып бара жаткан.