Өзбекстан үч тараптуу газ союзунан баш тарттыбы?

Бул суроого өлкөнүн энергетика министри Журабек Мирзамахмудов жооп берди.
Маалыматка караганда, учурда коңшу өлкөдө газ тартыштыгы жаралды. 

«Бирок биз кандайдыр бир альянс түзүүнүн ордуна коңшу өлкөлөрдөн жаратылыш газын, электр энергиясын импорттоо боюнча сүйлөшүүлөрдү жүргүзүп жатабыз. Биз өзүбүздүн улуттук кызыкчылыгыбызга таянып, энергетикалык тармактарыбызды кимдир бирөөлөргө өткөрүп берүү менен эмес, коммерциялык соода келишиминин негизинде кызматташуу боюнча сүйлөшүүлөрдү көздөйбүз«, — деди министр. 

Буга чейин Россия, Казакстан жана Өзбекстандын ортосунда «үч тараптуу газ союзун» түзүү каралып жатканы айтылган.