“Honda Odissey” үлгүсүндөгү унаа каршы тилкеге чыккан. Токмокто жол кырсыктан 8 адам набыт болду

Токмоктун жака белиндеги айланма жолдо үрөй учурган жол кырсыгы катталганын ЖКККББ тастыктады.

Алдын ала маалымат боюнча, сегиз адам каза болгону айтылууда. Жол кыймылы коопсуздугун камсыздоо башкы башкармалыгы жеринде тактап жатат.

ЖКККББ билдиргендей,  Honda Odissey үлгүсүндөгү  минивэндин айдоочусу Нарындан Бишкекке келе жаткан, ичинде 8 адам болгон.

Трассанын 78-чакырымына келгенде минивэн каршы тилкеге чыга коюп автоманипулятор менен кагышкан.