7-декабрдан тарта аба-ырайы кескин өзгөрүп, кар жаайт

Кыргызстанда 7-декабрдан тарта күн сууктайт. Бул тууралуу Кыргызгидрометтен кабарлады.

Билдирмеге караганда, үч күндөн кийин өлкөдө жаан-чачын болуп, 9-10-декабрда көпчүлүк аймактарда кар жаайт.

Бишкекте 9-декабрда абанын температурасы күндүз 0…2 градус, түнкүсүн -1…-3 градус суук болушу күтүлүүдө. Башка аймактарда да дем алыш күндөрү абанын температурасы 0 градустан төмөндөй турганы айтылды.