УКМК: Калкты социалдык жактан коргоонун мамлекеттик органдарындагы системалуу коррупция аныкталды

Калкты социалдык жактан коргоо мамлекеттик органдарындагы системалуу коррупцияга каршы күрөшүү боюнча иш-чаралардын алкагында, КР УКМК тарабынан Түп райондук эмгек, социалдык камсыздоо жана миграция бөлүмүнүн финансылык отчеттуулук жана бухгалтердик эсеп бөлүмүнүн башкы адиси С.Н.Д. тарабынан 1 113 765 сом суммасында бөлүнгөн каражатты мыйзамсыз ыйгарып алуу жана ысырап кылуу фактысы аныкталды. 

2024-жылдын 31-январында Кыргыз Республикасынын Мамлекеттик бюджетинин акча каражаттарын мыйзамсыз пайдаланган деп айыпталган С.Н.Д. кармалып, Каракол ШИИБнин убактылуу кармоочу жайына камалды.

Тергөө иштери жүрүп жатат.