Баткенде үч баласы менен оор турмушта жашаган жалгыз бой энеге элдер үй салып берди

Аял күйөөсү каза болгондон кийин тамы жок, оор турмушка кабылган. Анын ден соолугу начар экенин президенттин облустагы өкүлчүлүгү билдирди.

Алгач, бул үй-бүлөгө өкмөт Төрт-Гүл айыл өкмөтүнөн 12 сотых жер бөлүп берген. Ал эми «Жакшылык чөйрөсү» коомдук кайрымдуулук фонду үй куруп берүү демилгесин көтөрүп, 1,5 ай ичинде элден, жергиликтүү ишкерлерден 1,5 миллион сом топтогон. 

Бул суммага жалгыз бой эненин улуу баласы да тапкан акчасын кошкон. Ошентип, көпчүлүктүн күчү менен 3 бөлмөлүү үй бардык шарттары менен курулуп бүттү.