27-августка карата аба ырайы

Шейшембиде күндүз тоо этектеринде жана тоолуу райондордо өткүн өтүп, күн күркүрөшү күтүлөт, өрөөндөрдө күн ачык болот. Мындай маалыматты Кыргызгидромет таратты.

Абанын температурасы Чүй аймагында +27…+32, Таласта +22…+27, Ош, Жалал-Абад жана Баткен жергесинде +30…+35, Ысык-Көл жана Нарын облустарында +25…+30 градус ысык болот.

Борбор калаа Бишкекте күндүн табы +29…+31, Ош шаарында +31…+33, Чолпон-Атада +25…+27 градуска жетет.