Куткаруучулар Токтогул районунда сайга түшүп кеткен унааны чыгарышты

Куткаруучулар Токтогул районунда сайга түшүп кеткен унааны чыгарышты. Бул тууралуу Өзгөчө кырдаалдар министрлигинин басма сөз кызматы билдирет.

Маалыматка ылайык, Жалал-Абад облусунун Токтогул районундагы Бишкек-Ош унаа жолунун 222-чакырымында Honda CR-V үлгүсүндөгү унаанын айдоочусу рулду башкара албай жолдон чыгып, сайга түшүп кеткен. Жабыркагандар жок.

Жерине 3 куткаруучу жана КамАЗ унаасы тартылып, унаа жолго чыгарылган.