Коррупцияга шектелген Аламүдүн айыл өкмөт башчысы үй камагына чыгарылды

Коррупцияга шектелип кармалган Аламүдүн айыл өкмөтүнүн башчысы үй камагына чыкты. Маалыматты  Чүй облустук сотунан билдиришти.

Маалыматка караганда, мындай чечим айыл өкмөт башчысынын оорусуна байланыштуу болгон. Сот жактоочунун өтүнүчүн канааттандырып, шектүүнү үй камагына чыгарган.

11-майда кызматкерлерге удаа эле айыл өкмөт башчысы кармалган. Ал коррупцияга шектелип кармалып, камакка алынган. Буга чейин милиция Аламүдүн айылынын айыл өкмөтүнүн башчысынын орун басары, Аламүдүн айылынын айыл өкмөтүнүн мурдагы кызматкери, Аламүдүн айыл өкмөтүнүн жооптуу катчысы кармалган.