Камчыбек Ташиев өлкөнүн аскердик техникасын жаңылоого канча каражат бөлүнгөнүн айтты
2023-жылдын биринчи жарым жылдыгынын жыйынтыгы боюнча министрлер кабинетинин жыйынында министрлер кабинетинин башчысынын орун басары, УКМКнын жетекчиси Камчыбек Ташиев өлкөнүн коргоо тармагын каржылоо маселесине токтолду.
Ташиев дүйнөдө аскердик-саясий абал туруксуз экенин белгиледи. Дүйнөлүк тенденцияны эске алуу менен өлкөнүн аскердик техникасы жаңыланууда.
Анын айтымында, акыркы үч жылда алар аскердик техниканы сатып алууга мурдагыга караганда он эсе көп каражат бөлө башташты. Өлкө жаңы тик учактарды, модернизацияланган зениттик-ракеталык “Печора 2БМ” комплексин, “Байрактар” дрондорун жана башка техникаларды алды.
«Аскердик техникаларды масштабдуу жаңылоо иштери жүргүзүлдү. Эгерде 2005-2020-жылдары 3-5 миллиард сом бөлүнсө, 2021-жылы 32 миллиард сом, 2022-жылы 53 миллиард сом бөлүнгөн, ошону менен каржылоо 80 миллиардга жакынды түздү. Биринчи жарым жылдыкта 40 миллиард сомдон ашык каражат бөлүндү. Башкача айтканда акыркы үч жылда 120 миллиард сом бөлүндү. Бул масштабдуу жаңылануу деп эсептелет. 3 миллиарддан, 120 млрд сомго өстү», — деди Ташиев.
