Бишкекте дем алыш күндөрү коомдук транспорт жана такси кызматы иштебейт

Кыргызстанда коронавирус илдетинин жайылышынан улам дем алыш күндөрү Бишкек шаарында коомдук транспорт жана таксилердин жүрүшүн чектөө маселеси каралган. Бул тууралуу Бишкек шаардык мэриясынын аппарат жетекчиси Балбак Түлөбаев билдирди:

“Бүгүн комиссиянын чечими менен токтом чыкты, Бишкек шаарында толугу менен ишемби жана жекшемби күндөрү троллейбус, автобус жана кичи автобустарды, такси кызматтарын токтотобуз. Бул коронавирус илдетин токтотууга үмүт берет”, –  деди ал.