Сон-Көлдө адаттан тыш чоң ак козу карын табылды

Сон-Көлдө адаттан тыш чоң ак козу карын табылды. Табылган козу карындын сүрөттөрүн саякатчы Сергей Глуховеров жарыялаган.

Сүрөттөрдөн козу карындын ушунчалык чоң экени көрүнүп турат — бала аны эки колу менен кармап турат. Экинчи сүрөттө козу карын кесилген. Ичи толугу менен аппак жана тыгыз, бир тектүү түзүлүшкө ээ.

Сырткы көрүнүшүнө караганда, табылган козу карын гиганттык дождевикке (Calvatia gigantea) окшош. Бул түрдүн кадимки сабагы жана калпагы болбойт. Ал көбүнчө шалбааларда, жайыттарда жана башка ачык чөптүү жерлерде өсөт.

Гиганттык козу карындардын диаметри адатта ондогон сантиметрге жетет. Айрымдары андан да чоңоюп, бир нече килограмм салмакка чейин жетиши мүмкүн. Жаш козу карындын ичи толугу менен аппак жана тыгыз болот. Жетилген сайын анын эти карарып, споралардын массасына айланат.