Кара-Балта шаарында жана Ново-Николаевка айылында абанын сапаты текшерилди
Кара-Балта шаарында жана Ново-Николаевка айылында жергиликтүү тургундардын кайрылуусунан кийин атмосфералык абанын сапатына мониторинг жүргүзүлдү.
Изилдөөнү Жаратылыш ресурстары, экология жана техникалык көзөмөл министрлигине караштуу Экологиялык мониторинг департаменти жүргүзгөн.
Адистер Кара-Балта шаарындагы 40 жыл Кыргызстан, Луговая, Тольятти, Железнодорожная, Токтогул жана Самарбек уулу Омураалы көчөлөрүнөн, ошондой эле Ново-Николаевка айылындагы Москва көчөсүнөн аба үлгүлөрүн алышкан.
Лабораториялык изилдөөнүн жыйынтыгында эки жерде азот кычкылынын өлчөмү жол берилген чектен ашканы аныкталган.
Тактап айтканда, Кара-Балтадагы 40 жыл Кыргызстан көчөсүндө көрсөткүч нормадан 3,9 эсе, ал эми Ново-Николаевкадагы Москва көчөсүндө 1,9 эсе жогору болгон.
Калган текшерилген аймактарда зыяндуу заттардын жол берилген чектен ашуусу катталган эмес.
Изилдөөнүн жыйынтык протоколдору тиешелүү чараларды көрүү үчүн мамлекеттик органдарга жөнөтүлдү.
