Нарын облусунда жыл аягына чейин 8 мектеп пайдаланууга берилет

Нарын облусунда жыл аягына чейин 8 мектеп пайдаланууга берилет. Бул тууралуу Архитектура, курулуш жана турак жай-коммуналдык чарба мамлекеттик агенттигинин директору Мызабек Жыпаркулов өзүнүн социалдык тармактагы баракчасына жазды.

Анын маалыматына караганда, курулуп жаткан мектептердин экөөсү жаңы окуу жылында балдар үчүн эшигин ачса, дагы 6 мектеп жыл аягына чейин толук бүткөрүлөт.

Жыпаркулов белгилегендей, президент Садыр Жапаровдун тапшырмасы менен жыл аягына чейин республика боюнча 100 мектеп бүткөрүлүп, колдонууга берилет.