ТЭЦте жабыркаган эки адам Түркиядагы адистештирилген клиникага которулат

Бүгүн Түркиянын Саламаттыкты сактоо министрлигине караштуу «Голджук» ооруканасынын эки реаниматолог дарыгери Кыргызстанга учуп келген. 

Бейтаптардын абалы оор бойдон калууда, бирок алар эс-учунда, суроолорго жооп берүүдө. Дарыгерлер аларды дарылоо узак убакытка созуларын айтышкан. Ал эми үчүнчү бейтаптын абалы туруктуу.

Буга чейин президент Садыр Жапаров чет элдик адистер менен консультацияларды уюштуруу тапшырмасын берген.