Атамбаевдин иши. Мурунку президентти № 1 тергөө абагына которушат

Мурунку президент Алмазбек Атамбаевди УКМКнын тергɵɵ изоляторунан № 1 тергɵɵ абагына которушат. Бул тууралуу  анын жактооочусу Замир Жоошев билдирди.

 «Мен кечээ Атамбаев менен жолукканда, аны башка абакка которулаары белгилүү болду. Бүгүн аны № 1 тергɵɵ абагына жеткирип, андан кийин, балким № 47 түзɵтүү колониясындагы ооруканага алып барышы мүмкүн. Башка иштер боюнча тергɵɵ амалдары жана сот отурумдары бүтɵ элек», — деди Замир Жоошев.

Эске салсак, 2019-жылдын 7-8-августундагы окуялар боюнча ИИМ Жазык кодексинин бир катар беренелерине таянып, иш козгогон. Бул иш боюнча депутаттар Ирина Карамушкина менен Асель Кодуранова, КСДПнын мүчɵсү Равшан Жеенбеков ɵтүп жатышат.