ИИМ: Кызматтык милдеттерди аткарууда кетирилген кемчиликтери үчүн жетекчилерге тартип жазалары берилди

2024-жылдын 26-июлунда ИИМдин жыйындар залында Кыргыз Республикасынын ички иштер органдарынын 2024-жылдын биринчи чейрегинин ичиндеги аткарган ыкчам-кызматтык ишмердүүлүгүнүн жыйынтыгын чыгарган коллегиялык отурум өттү.

Коомдук тартипти сактоодо жана кылмыштуулук менен күрөшүүдөгү кемчиликтери үчүн экинчи чейректин жыйынтыгы менен ички иштер органдарынын 25 жетекчиси тартиптик жазага тартылды. Анын ичинен бирөөсү кызматынан төмөндөтүү менен бошотулду.
Бир топ жетекчи кызматкерлердин ишмердүүлүгү 2024-жылдын 9 айынынын жыйынтыгына арналган отурумда каралат. Бүгүнкү коллегиянын чечими ИИМ тарабынан көзөмөлгө алынып, аны аткарылышына өзгөчө көңүл бурула тургандыгы белгиленди.