Кыргызстандык эки балбан Россиядагы эл аралык мелдеште медалга ээ болду

Кыргызстандык эки спортчу XIX — XX кылымдардагы атактуу балбандардын элесине арналган эркин күрөш боюнча эл аралык мелдеште медалга ээ болушту. Бул тууралуу Кыргызстандын күрөш федерациясынан билдиришти.

Эл аралык турнир 9-13-декабрда Россиянын Хасавюрт шаарында өттү.

Мелдеште Арсалан Будажапов (В79) күмүш, Исламбек Орозбеков (В74) коло медалга татыды.

Эскерте кетсек, эркин күрөш боюнча эл аралык мелдешке Кыргызстандын атынан жалпы 15 балбан аттанган.