Бишкек менен Чүйдө катуу шамал күтүлөт

Кыргызгидромет кызматынын билдирүүсүнө ылайык, жакынкы бир саат аралыгында жана күндүз Бишкек шаарында жана Чүй өрөөнүндө күн күркүрөп, ылдамдыгы секундасына 15-20 метрге жеткен катуу шамал катталышы күтүлөт. Бул тууралуу ӨКМден билдиришти.

Катуу шамал учурунда коопсуз жайларда болуңуздар. Электр чубалгыларынан, жарнама калкандарынан, бак-дарактардан алыс болуңуздар.