Дем алышсыз иштейт. Бишкекте ОСАГО полисин күнү-түнү алса болот

Бишкекте  эми ОСАГО полисин сутканын каалаган убагында алууга болот. Бул тууралуу Мамлекеттик камсыздандыруу уюму билдирди.

Иш күнү-түнү, дем алыш жана майрам күндөрү да жүргүзүлөт. Борбор калаанын тургундары Москва көчөсү, 71 дарегиндеги кеңсеге кайрыла алат.

«Бул нерсе суроо-талаптын жогорулашына жана мыйзамдын күчүнө киришине байланыштуу жасалууда», — деди камсыздандыруу уюму.

Эске салсак, 1-июлдан тарта Кыргызстанда милдеттүү түрдө ОСАГО полисин алуу тартиби күчүнө кирип, мыйзам бузган айдоочуларга үч миң сом айып салынат.