УКМК: Өзбекстанга 3,7 млн. сомдук мал айдап кетүүгө аракет кылгандар кармалды

Кыргызстандан Өзбекстанга 34 баш буканы мыйзамсыз алып кетүүнү көздөгөн топ кармалды. Бул тууралуу УКМКнын Чек ара кызматынан билдиришти.

30-июлда Аксы районунда чек арачылар 13 баш малды алып өтүүгө аракет кылган адамды колго түшүргөн. Ал ошол эле райондун Сөгөт айылынын 30 жаштагы тургуну экени аныкталды.

Ал эми бүгүн Ала-Бука районунун Ак-Там участкасында 21 буканы алып бара жаткан 33 жаштагы жаран кармалды.

Алдын ала маалыматтар боюнча, кармалган бодо малдын жалпы баасы 3 миллион 725 миң сомду түздү.

Даярдалган документтер милицияга өткөрүп берилди.