Баткенди калыбына келтирүүгө бюджеттен 500 млн. сом бөлүндү

Тажикстандын куралдуу кол салуусунан улам Кыргызстандын 600дөн ашуун мүлкү бүлүнүүгө дуушар болду.

Баткен облусундагы куралдуу жаңжалдын кесепеттерин жоюу үчүн республикалык бюджеттен 497,6 миллион сом бөлүндү. Бул туурасында министрлер кабинетинин маалымат кызматы маалымдады.

Каражат кыргыз-тажик чек арасында 14-17-сентябрда катталган кагылышта зыяндын ордун толтурууга, анын ичинде оңдоо жана түзөө, ошондой эле калыбына келтирүү иштерине жумшалат.