Tunduk тиркемесинде жаңы эки кызмат ишке кирди

Tunduk тиркемесинде эки жаңы кызмат ишке кирди. Бул тууралуу Санариптик өнүктүрүү министрлигинен билдиришти.

Маалыматка ылайык, эми тиркемеде төмөнкү эки кызмат жеткиликтүү болот:

• баланын катталгандыгы (катталган жери, прописка) тууралуу маалымкатты алуу;
• балдар үчүн мүлккө ээлик кылуу/ээлебөө тууралуу маалымкатты онлайн тартипте алуу мүмкүн (мамлекеттик төлөм — 170 сом).

Кызматтар төрөлгөндүгү тууралуу күбөлүктүн санарипке өткөрүлгөн учурда гана жеткиликтүү. Эгерде бала тууралуу маалымат тиркемеде көрсөтүлбөсө, колдонуучулар «ЖААК документтерин санарипке өткөрүү» кызматын колдонуп, күбөлүктү санарипке өткөрө алышат.