Балдарга зомбулук көрсөткөндөр өлүм жазасына тартылсын. Мыйзам долбоору

Жогорку Кеңештин 61 депутаты балдарга сексуалдык зомбулук көрсөткөндөргө өлүм жазасын киргизүүнү сунуштады.

Конституцияга мындай өзгөртүү киргизүү сунушу менен чыккан эл өкүлдөрүнүн аты-жөнү жана мыйзам долбоорунун өзү парламенттин сайтына жарыяланган.

Негиздемеде бул жаза жашы жете элек балдарга сексуалдык зордук-зомбулук көрсөткөн кылмышкерлерге колдонулары жазылган.

Эл өкүлдөрү Кыргызстанда акыркы жылдары балдарга карата зордук-зомбулук жасаган ырайымсыз кылмыштар көбөйгөнүн белгилешкен.