Ырчы Бекжан Темирхан мерседес-бенц унаасы менен 100метр тереңдиктеги сууга түшүп кеткен

Ырчы Бекжан Темирхан каза болгон жол кырсыгы тууралуу милиция билдирүү жасады.  Билдирүүгө ылайык, кырсык 10-ноябрь күнү саат 22:00 чамасында Чолок-Боом унаа жолунун 9-чакырымында катталган. Анда Мерседес-Бенц үлгүсүндөгү унаасы менен күн батыштан күн чыгышты көздөй бара жаткан. Унаада ырчыдан башка дагы бир 1997-жылы туулган жаран болгон.

Алдын ала маалымат боюнча катуу ылдамдыкта бара жатып, айдоочу унаанын рулуна ээ боло албай, жолдун оң жагындагы тосмону сүзүп, андан соң жолдон чыгып оодарылып кеткен. Жол кырсыктын кесепетинен жүргүнчү катары бара жаткан ырчы каза болгон. Ал эми айдоочу Кемин районунун аймактык ооруканасына кайрылды.