Катар – 2022: Франциянын курамасы финалга чыкты

Катарда өтүп жаткан футбол боюнча дүйнө чемпионатынын жарым финалында Франция менен Марокконун курамалары беттешти.

Беттеш 2:0 эсебинде Франциянын жеңиши менен аяктады.

Дүйнө чемпионатынын финалында Франция менен Аргентинанын курамалары оюн өткөрөт. Беттеш 18-декабрда Бишкек убактысы боюнча саат 21:00дө башталат. Ал эми Марокко үчүнчү орун үчүн Хорватиянын командасы менен оюн талаасына чыгат.