Жоламан Шаршенбеков Азия оюндарында алтын медаль утту

Кыргызстандык балбан Жоламан Шаршенбеков Японияда өтүп жаткан Азия оюндарында грек-рим күрөшү боюнча алтын медаль тагынды. Бул Кыргызстандын быйылкы оюндардагы алгачкы алтын медалы болду.

60 кг салмак категориясындагы финалда Шаршенбеков Өзбекстандын өкүлү Алишер Ганиевди 7:5 эсебинде жеңди.

Кыргызстандык балбан мелдешти 1/8 финалдан баштап:

• 1/8 финалда Түштүк Кореянын өкүлү Ким Дахюнду 9:0 эсебинде мөөнөтүнөн мурда жеңди;
• чейрек финалда Түркмөнстандын өкүлү Азатжан Ачиловду 8:0 эсебинде утту;
• жарым финалда Ирактын балбаны Сажад Али Мукасра Альбидханды 8:0 эсебинде мөөнөтүнөн мурда жеңди.

Эске салсак, XX жайкы Азия оюндары Япониянын Нагоя шаарында 19-сентябрдан 4-октябрга чейин өтүүдө. Кыргызстанды мелдешке 30 спорт түрү боюнча 168 спортчу өкүлчүлүк кылууда.

Жалпысынан оюндарга 45 өлкө жана аймактан 11 миңге жакын спортчу катышып, 469 комплект медаль үчүн күч сынашууда.