Жалал-Абадда дайынсыз болуп жаткан 14 жаштагы өспүрүмдү 50 адам издеп жатат

Буга чейин ӨКМ маалымат таратып, Жалал-Абадда 14 жаштагы өспүрүм дайынсыз болуп жатканын билдиришкен.

31-март күнү Жалал-Абад облусунун Базар-Коргон районундагы Кызыл-Үңкүр айыл аймагынын Ак-Булак айылында 2009-жылы туулган өспүрүм үйүнөн чыгып кеткен бойдон дайынсыз болгондугу тууралуу маалымат түшкөн.

Бүгүн, 4-апрелде издөө иштерин улантуу максатында Базар-Коргон райондук №78 өрт-куткаруу бөлүмүнөн 15 куткаруучу, кошумча ИИМден 5 кызматкер жана жергиликтүү тургундардан 30 адам тартылган.