Бишкектен Сочиге авиакаттамдар жанданат

Бишкектен Сочиге үзгүлтүксүз авиакаттамдар жанданат. Бул тууралуу «Манас» эл аралык аэропорту билдирди.

Маалыматта россиялык «Урал аба жолдору» компаниясы 25-майдан тарта Бишкек — Сочи — Бишкек багыты боюнча авиакаттамдарын жандантары жазылган. Рейстер жумасына бир жолу — ишемби күндөрү аткарылат.

«Манас» аэропорту буга байланыштуу бардык суроолор боюнча авиакомпанияга түз кайрылууну сунуштайт.