Кыргызстанда сууну сарамжалдуу пайдалануу боюнча чаралар көрүлүүдө
Кыргызстанда суу ресурстарынын азайышы катталып жатат, буга байланыштуу аларды сарамжалдуу пайдалануу боюнча чаралар көрүлүүдө. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Өсүмдүк өстүрүү, багбанчылык жана кооперация башкармалыгынын башчысы Туратбек Идрисовдун айтымында, суу запастарынын азайышы — дүйнөлүк тенденция. «Жыл өткөн сайын суу ресурстары кыскарып жатат — бул жалпы дүйнөлүк процесс», — деди ал.
2025-жылы өлкөдө 5,767 миллиард кубометр суу пайдаланылган, ал эми 2026-жылы 6,303 миллиард кубометр сууну бөлүштүрүү пландалууда.
Сууну натыйжалуу бөлүштүрүү үчүн облустар жана райондор деңгээлинде атайын штабдар түзүлдү. Алар сугат суусун бирдей жана сарамжалдуу пайдаланууну көзөмөлдөшөт.
Белгиленгендей, буга чейин суу тартыштыгы Чүй, Талас облустарында, ошондой эле өлкөнүн түштүк аймактарында байкалган.
