Ала-Тоо аянты реконструкцияга жабылганына байланыштуу желекти кайтарган Ардак кароол убактылуу алынат

Кыргыз Республикасынын Эгемендүүлүгүнүн 33 жылдыгына карата 2024-жылдын 27-апрелинен 31-августуна чейин Ала-Тоо аянтын масштабдуу реконструкциялоо иштерин жүргүзүү үчүн жабылат, ошондуктан мамлекеттик тууну кайтаруу боюнча кызмат алып барган Куралдуу Күчтөрдүн Улуттук гвардиясынын Ардак кароолу убактылуу алынат.

Архитекторлордун долбоору боюнча Кара-Кыргыз автономиялуу облусунун түзүлгөндүгүнүн 100 жылдыгына карата жаңы флагштоктун бийиктиги 100 метрди түзөт.