Күн сууктап, сел жүрөт! Кыргызгидромет шашылыш билдирүү таратты

27-28-августта өзгөрүлмөлүү аба ырайына жана күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондордо сел жүрүшү мүмкүн.

Нарын облусунда күн кадимкидей сууктайт. Дыйканчылык аймактарында түнкүсүн 1…6, айрым жерлеринде 0…-2 градуска чейин жетет. Ал эми күндүз 13…18 градус болот. 

Республиканын тоолуу райондорунда түнкүсүн 0…5, күндүз 7…12, бийик тоолордо түнкүсүн -3…-8, күндүз 1…6 градус болушу күтүлөт.