Таш-Көмүр шаарында сел жүрдү

Таш-Көмүр шаарында сел жүрдү. Бул тууралуу Өзгөчө кырдаалдар министрлигинен билдиришти.

Маалыматка ылайык, бүгүн, 28-августта саат 11:00 чамасында кыска мөөнөттө жаап өткөн жамгырдын кесепетинен кокту-колоттордон аккан сел суулары Таш-Көмүр шаарынын Токтогул, Зелин көчөлөрүндөгү турак үйлөрдүн короолорун каптаган.

Жерине 4 куткаруучу тартылып, тазалоо иштери жүргүзүлүүдө.