Өлкөдө дизелге салыкты жоюп, АИ-92 майын арзандатуу каралууда

Бийлик дизель отунуна алынчу салыкты убактылуу жоюп, АИ-92 маркасындагы бензиндин коюмун төмөндөтүүнү сунуштап жатат.

Бааны турукташтыруу үчүн көрүлүп жаткан демилге Экономика жана коммерция министрлигине таандык.

Ведомствонун сунушу:

-15-майдан 30-сентябрга чейин дизелге кошумча нарк салыгын жоюп, АИ-92 майына коюмду төмөндөтүү (12 пайыздан 8 пайызга чейин);

-төрт айга чейин дизель үчүн акциздик салыкты жокко чыгарып, бензин баасын түшүрүү (тоннасына 5 миң сомдон 3 миң сомго чейин).