Кыргызстандан 453,7 тонна эт азыктары ЕАЭБ өлкөлөрүнө экспорттолгон. ТИЗМЕ

ЕАЭБ мамлекеттери Кыргызстандан чыгарылган колбаса жана эттен жасалган башка азыктардын негизги сатып алуучулары болуп саналат. Бул туурасында маалымат Улуттук статистика комитетинин отчетунда камтылган.

Үстүбүздөгү жылдын январынан июлга чейин өлкөдөн 1,7 миллион долларга 453,7 тонна аталган азык экспорттолгон.

Сатып алган өлкөлөр:

Россия — 262,8 тонна;

Казакстан — 188 тонна;

Өзбекстан — 2,9 тонна.

Ошондой эле аты аталбаган өлкөлөргө аз өлчөмдө 1,5 миң долларлык продукция сатылган.