Садыр Жапаров Кытайда “Бир алкак — бир жол” демилгесинин алкагында өтө турган форумга катышпайт

ТИМ анын себебин түшүндүрдү.
Кыргызстан форумга өлкө башчынын графигинин тардыгынан улам катыша албайт. КМШ саммити жаңы эле жыйынтыкталып, алдыда КМШ өкмөт башчыларынын, ЕАЭБ жана ШКУ жыйыны, Кытайдын мамлекеттик кеңешинин премьер-министри Ли Цяндын расмий сапары күтүлүүдө. 

Кыргызстандын атынан энергетика министри Таалайбек Ибраев жана Бажы кызматынын төрагасы Самат Исабеков тематикалык форумдарга катышат. Иш-чара 17-18-октябрда Пекинде өтөт.