Бишкекте аял патрулдук унаанын терезесин талкалап салды

Бишкекте 11-январда хулиганчылыкка шектелген аял кармалды. Бул тууралуу Биринчи Май райондук ИИБнин басма сөз кызматынан билдиришти.

Маалыматка ылайык, 10-январда таңкы саат бештер чамасында «102» пультуна Медеров — Абай көчөлөрүнүн кесилишиндеги «Кипиш» түнкү клубунун алдында аял патрулдук унаанын терезесин талкалаганы тууралуу маалымат түшкөн.

Бул факты Кыргыз Республикасынын Кылмыш-жаза кодексинин «Бейбаштык” беренеси боюнча катталган.

Патрулдук милиция шектүү катары 1993-жылы туулган М.Ш. аттуу жаранды ИИБге жеткирген. Тергөөнүн версиясы боюнча, ал милициянын талаптарына баш ийүүдөн баш тартып, аларды кордоп, унаанын арткы сол терезесин сындырган.

Шектүү убактылуу кармоочу жайга камалды.