Эртең Бишкектин Кара-Жыгач, Алтын-Ордо конуштарында суу өчүрүлөт

14-мартта Бишкектеги Алтын-Ордо, Кара-Жыгач, Полиция шаарчасы аймактарында ичүүчү суу берүү токтотулат. Бул тууралуу мэриянын маалымат кызматы кабарлады.

Билдирмеге караганда, саат 9:00дөн 18:00гө чейин Достоевский, Анкара, Ауэзов көчөлөрү менен чектелген аймактарда суу өчүрүлмөкчү.

«Эртең «Контррезервуар» суу топтомосунда жана шаардык суу түтүк тармактарында оңдоо иштери жүрөт», — деп жазылат кабарда.

«Бишкек суу канал» башкармалыгы ыңгайсыздыктар үчүн кечирим сурап, сууну эртелеп камдап алууга чакырды.