Ысык-Көлдүн жээгиндеги мыйзамсыз курулуштар буздурулууда

Ысык-Көл районунда жайгашкан пансионаттардын мыйзамсыз деп аныкталган курулмалары буздурулууда. Бул тууралуу Архитектура, курулуш жана турак жай коммуналдык чарба мамлекеттик агенттиги маалымдады.

Маалыматка караганда, 27-апрелде аталган агенттиктин директору Нурдан Орунтаевдин Ысык-Көл облусуна болгон иш сапарынын алкагында, президенттин Ысык-Көл облусунудагы ыйгарым укуктуу өкүлү Уланбек Далиев менен биргеликте объекттерди текшеришти.