Исландияда биринчи жолу чиркейлер табылды
Окумуштуулар муну температуралык рекорддор менен байланыштырышат
Исландияда биринчи жолу чиркейлер табылды. Мурда Исландия жер бетинде чиркейи жок эки гана жердин бири болгон — экинчиси, азыр Антарктида, деп билдирет Би-Би-Си.
Чиркейлер өлкөнүн борбору Рейкьявиктин түштүк-батышындагы Кйос мөңгү өрөөнүндө табылган. Бул ачылышты жергиликтүү курт-кумурскалар ышкыбозу Бьорн Хьялтасон жасаган. Ал үч курт-кумурсканы тең анализ үчүн Табигый тарых институтунун энтомологу Маттиас Альфредсонго жөнөткөн. Ал курт-кумурскалар кышка ийгиликтүү туруштук бере алган чиркейлердин бир нече түрлөрүнүн бири болгон Culiseta annulata түрүнө таандык экенин тастыктады.
World Population Review өлкөдө чиркейлердин жок болушунун негизги себептери суук климат жана курт-кумурскалардын көбөйүшү үчүн зарыл болгон туруучу суунун жетишсиздиги экенин белгилейт. Бирок быйыл Исландияда бир нече рекорддук температура катталды.
