Бишкекте жетим балдарга гуманитардык жардам таратылды

Бишкекте 500 жетим жана томолой жетим калган балага гуманитардык жардам таратылды. Бул тууралуу Эмгек жана социалдык өнүктүрүү министрлигинин маалымат кызматынан билдиришти.

Билдирүүгө ылайык, иш-чарага саламаттыкты сактоо жана социалдык өнүктүрүү министринин биринчи орун басары Ализа Солтонбекова катышты.

Биринчи орун басар Ализа Солтонбекованын айтымында, аталган жардам министрлик менен тыгыз кызматташуунун натыйжасында ишке ашууда.

«Бул азык-түлүк түрүндөгү жардам Дубай шаарындагы «Аль-Махтум» фонду тарабынан көрсөтүлдү. Ошондой эле буга «Жаркын жаштар келечеги» фондунун салымы чоң», — деп билдирген ал.

Ализа Солтонбекова муктаждарга колдоо көрсөтүү багытында иш-чаралар улантыларын кошумчалады.