Бишкекте 60 баланы окуткан мыйзамсыз медресе аныкталды

Бишкек шаарында тийиштүү уруксат кагаздары жок балдарга диний сабак берген “Ыйман” деп аталган мыйзамсыз медресе аныкталып, иши токтотулду.

Бул тууралуу Бишкек шаардык ички иштер башкармалыгы билдирди.

19-июлда шаардык милициянын Экстремизмге жана мыйзамсыз миграцияга каршы кызматы мыйзамсыз медресени аныктап, текшерүү жүргүзгөн. Анда жарым жертөлө болгон нымдуу жайда алтымыш бала окуу куралы жок тарбияланып жатышкан. Имараттын абалы санитардык талапка жоо берген эмес. Анын ээси 31 жаштагы жаран болгон.