УКМК: Диний-экстремисттик агымдарга каршы күрөшүү боюнча профилактикалык иш-чаралар өткөрүлдү
Бул тууралуу УКМКнын маалымат борборунан билдиришти.
Маалыматта айтылгандай, КР УКМК диний-экстремисттик агымдардын идеологиясын жайылтууга каршы аракеттенүүнүн алкагында Бишкек шаарынын аймагында иш алып барган “Йакын инкар” диний-экстремисттик агымынын 7 активдүү мүчөсүнө түшүндүрүү-профилактикалык иш-чараларын жүргүздү.
Иш-чаранын жүрүшүндө аталган жактар «Йакын Инкар» ДЭУнун идеологиясынын зыяндуулугун жана туура эместигин толук моюнга алып, өз ыктыяры менен аталган диний-экстремисттик агымга мүчөлүктөн, идеологиясынан баш тартышты.
Мындан тышкары, кайталанбоосу үчүн аларга КР УКМКнын атынан расмий эскертүү берилди.
КР УКМК эскертет: Кыргыз Республикасынын мыйзамдарында диний-экстремисттик уюмдардын жана агымдардын идеологиясын жайылткандыгы үчүн кылмыш жоопкерчилиги каралган.
