ЖК комитети интернетте бирөөнү кемсинткендерге 200 миң сомго чейин айып салуу мыйзам долбоорун колдоду

Жогорку Кеңештин транспорт, коммуникация, архитектура жана курулуш комитети бүгүн Кодекске ЖМКларда жана интернетте жалган маалымат тараткан, кимдир бирөөнү кемсинткен жактарга 100 миң сомдон 200 миң сомго чейин айыппул салуу беренесин киргизген мыйзам долбоорун биринчи окууда колдоду.

Белгилей кетсек, мыйзам долбоору Маданият, маалымат, спорт жана жаштар саясаты министрлиги тарабынан демилгеленген.

Анда билдирүүсү аркылуу кимдир бирөөнүн кадыр-баркына шек келтирип, кемсинткен тараптар — ЖМКларда жана интернетте — 100 миң сом айып төлөөрү айтылган. Ал эми юридикалык жак 200 миң сом айыпка жыгылат.