20-январда Бишкектин бир катар кичи райондорунда суу өчүрүлөт
20-январда саат 09:00дөн 02:00гө чейин Бишкек шаарынын айрым жерлеринде ичүүчү суу берүү убактылуу токтотулат. Билдирүүнү муниципалитеттен кабарлашты.
Маалыматта айтылгандай, бул күнү төмөнкү аймактарда суу өчүрүлөт:
- 3-кичи район;
- 4-кичи район;
- 5-кичи район;
- 7-кичи район;
- 8-кичи район;
- 9-кичи район;
- 10-кичи район.
Ошондой эле төмөнкү көчөлөр менен чектелген аймакта суу болбойт:
Ч.Айтматов проспектиси – Абдрахманов көчөсү – Бакаев көчөсү – Масалиев проспектиси – Токтоналиев көчөсү – Ата-Түрк паркы – Ахунбаев көчөсү – Аламүдүн суусу – Түштүк чоң Чүй каналы – Байтик баатыр көчөсү – Ала-Арча суусу – Семетей көчөсү.
Суу өчүрүү Д-600 мм болгон түтүккө бурама тээктерди, Д-400 мм болгон 2 даана тосмону орнотуу жана Д-600 мм болгон суу өткөрмөнү Рысмендиев көчөсү, 1/1 аймагынан тышкары чыгаруу иштерине байланыштуу жүргүзүлөт.
Бишкек мэриясы жаралган убактылуу ыңгайсыздыктар үчүн кечирим сурайт жана мекемелерди, ошондой эле шаар тургундарын алдын ала ичүүчү суу камдап алууну өтүнөт.
