Президенттик жарыш: Талапкерлерди колдогон кол топтоо өнөктүгү кызыды

«Түндүк» тиркемесинин акыркы маалыматтарына таянсак, президенттик шайлоого катышуу үчүн талапкерлигин көрсөткөндөрдү колдогон шайлоочулардын саны туруктуу өзгөрүп турат.

​Акыркы көрсөткүчтөргө ылайык, учурдагы мамлекет башчысы Садыр Жапаровду колдогон шайлоочулардын саны 49 миң 144кө жетти. Эскерте кетсек, Садыр Жапаров 10-ноябрда президенттик шайлоого катышуу үчүн талапкерлигин көрсөтүп, Борбордук шайлоо комиссиясына арыз тапшырган эле. Ал бир суткага жетпеген убакытта эле талапкерди каттоо үчүн зарыл болгон 30 миң колду топтоого жетишкен.
​Ал эми «Түндүк» тиркемесиндеги маалыматтар боюнча калган талапкерлерди колдогондордун саны төмөнкүдөй көрсөткүчтөрдү түзүүдө:
​Сыймык Жапыкеевду— 19 миң 90 шайлоочу.
​Аймен Касеновду— 16 миң 79 шайлоочу.
​Исхак Масалиевду— 11 миң 256 шайлоочу.
​Азамат Эсенбековду— 8 714 шайлоочу.
​Акай Кыдыровду— 5 205 шайлоочу.
​Шайлоочулардын колдоо көрсөткөн сайын тиркемедеги сандык көрсөткүчтөр өзгөрүп турары белгиленүүдө. Колго топтоо өнөктүгү улантылууда.