Максатбек Ишенбаев Мбанкты жетектейт

Мбанктын директорлор кеңешинде өзгөрүүлөр болду. Бул тууралуу Кыргыз фондулук биржасы билдирди,  деп жазды Акчабар маалымат порталы.

Башкармалыктын жаңы төрагасы болуп Максатбек Ишенбаев дайындалды. Ал кызматына 2025-жылдын 15-январында киришкен.

Ишенбаев финансы секторунда 30 жылдан ашык тажрыйбасы бар жана алдыңкы банктарды, камсыздандыруу жана лизингдик компанияларды ийгиликтүү башкарган. Эске салсак, ал буга чейин «Бай-Түшүм» банкын жетектеп келген.