Баш ооруга каршы дарыларды узак убакыт колдонуу кооптуу болушу мүмкүн
Дарыгер-эндокринолог Ирина Петрова баш ооруга каршы дарыларды узак убакыт колдонуу кооптуу кесепеттерге алып келиши мүмкүн экенин эскертти. Бул тууралуу ал Sputnik радиосуна берген маегинде билдирди.
Дарыгердин айтымында, адам ооруну басаңдатуучу дарыларды үч ай же андан көп убакыт бою үзгүлтүксүз кабыл алса, дары-дармектерден улам пайда болгон баш ооруга кабылышы мүмкүн.
Башы тез-тез ооруган адамдарга Петрова адиске кайрылууну сунуштады.
«Эгер баш оору тез-тез кайталанып, жашоого олуттуу тоскоолдук жаратса, ал эми ооруну басаңдатуучу дарыларды колдонуу кыйынчылык жаратса, анда текшерүүдөн өтүп, дарыгер менен алдын алуучу дарылоо ыкмаларын талкуулоо зарыл. Мындай учурда ооруну жөн гана басаңдатпастан, анын алдын алуу керек», — деп белгиледи дарыгер.
Ошондой эле ал дарыгердин кабыл алуусуна чейин баш оору боюнча күндөлүк жүргүзүүнү сунуштады. Анда баш оору канча убакытка созулары, оорудан тышкары кандай белгилер пайда болору, оорунун күчү жана кайсы дарылар колдонулганы жазылышы керек.
